கொரோனா தொற்று காரணமாக நாட்டின் பல மாநிலங்களிலும் வேலையின்மை தொடர்ந்து அதிகரித்து வருகிறது. ஆனால், தமிழகத்தில் மட்டும் வேலையின்மை மிகவும் குறைந்து காணப்படுகிறது.

இந்திய அளவில் வேலையின்மையானது 8.3% என்ற கணக்கில் இருக்கிறது. ஆனால், தமிழகத்தில் வேலையின்மை விகிதம் 2.6% என குறைந்துள்ளது. இதற்கு முதல்வர் எடப்பாடி பழனிசாமி எடுத்த் கொரோனா தடுப்பு மற்றும் பொருளாதார சீர்திருத்த நடவடிக்கைகளே காரணமாக கருதப்படுகிறது.

தமிழகத்தின் மக்கள் தொகையில் கிட்டத்தட்ட 70% பேர் விவசாயத்தில் ஈடுபட்டுள்ள நிலையில், சாகுபடிக்கு உட்பட்ட பகுதிகளில், விதைப்பு நடவடிக்கைகளில் வலுவான 29% அதிகரிப்பு கிராமப்புற வேலைவாய்ப்பை அதிகரிக்க உதவியது. 2019-20 முதல் 2020-21 வரை 2.7 லட்சம் ஹெக்டேர் நிலப்பரப்பு அதிகரித்து 12 லட்சம் ஹெக்டேராக விவசாய பகுதி உயர்ந்துள்ளது.

இந்தியாவில் தமிழகத்தை விட முன்னணியில் இருக்கும் குஜராத் மாநிலத்தில் வேலையின்மை 1.9% என உள்ளது. அடுத்தபடியாக தமிழகம் 2.6% என உள்ளது. இப்போது தமிழகத்திற்கு பிற மாநிலங்களில் இருந்து வேலைக்கு ஆட்கள் படையெடுத்துவரத் தொடங்கிவிட்டனர். எனவே வரும் செப்டம்பர் மாதத்தில் இந்த வேலையின்மை இன்னமும் குறையும் என்றே எதிர்பார்க்கப்படுகிறது.