கைக்குழந்தையுடன் உள்ள பெண்ணை, போலீஸ் ஒருவர் தாக்கும் காட்சி இணையத்தில் வைரலாகி வருகிறது.

மத்தியப் பிரதேச மாநிலத்தின் குவாலியர் ரயில்வே போலீஸ் நிலையத்தில் இந்த வீடியோ எடுக்கப்பட்டதாகக் கூறப்படுகிறது. அதில், அடையாளம் தெரியாத போலீஸ் ஒருவர்,  கைக்குழந்தையுடன் உள்ள 3 பெண்களை தரையில் அமர வைத்து விசாரணை நடத்துகிறார். அப்போது, அவர்கள் 3 பேரும் தரையில் விழுந்து, அழுதபடி, தங்களை விடுதலை செய்யும்படி கோருகிறார்கள்.

ஆனால், அதனை புறக்கணித்துவிட்டு, அதில் ஒரு பெண்ணை குறிவைத்து, அந்த போலீஸ் நபர் தலைமுடியை பிடித்து இழுத்து, லத்தியால் கடுமையாக அடிக்கிறார். இதனை சக போலீசார் 3 பேர் சிரித்தபடி வேடிக்கை பார்க்கின்றனர்.

இச்சம்பவம் சமூக ஊடகங்களில் வைரலாக பரவி வருகிறது. அதேசமயம், குறிப்பிட்ட போலீஸ் நபர், தேர்தல் பணிக்காகச் சென்றுள்ளதால், அவரை விசாரிக்க முடியவில்லை என, மத்தியப் பிரதேச போலீஸ் தரப்பில் விளக்கம் தரப்பட்டுள்ளது.