பொள்ளாச்சி அடுத்த ஆழியார் அருகே நவமலை பகுதி உள்ளது. மலைவாழ் மக்கள் குடியிருப்பு பகுதியை சேர்ந்த வேட்டை தடுப்பு காவலர் ராஜீ - மனைவி சித்ரா.

இவர்களது மகள் ரஞ்சனா (வயது 7) அங்குள்ள அரசு பள்ளியில் 2ம் வகுப்பு படித்து வந்துள்ளார்.

இந்த நிலையில் தாய் சித்ரா மகள் ரஞ்சனியை அழைத்து கொண்டு பொள்ளாச்சி சென்று விட்டு பேருந்தில் நவமலை திரும்பி வந்து கொண்டிருந்த போது  பேருந்தில் இருந்து இறங்கி இருவரும் வீட்டிற்கு நடந்து சென்றதாக கூறப்படுகிறது.

அப்போது,  திடீரென வனப்பகுதியில் இருந்து வந்த காட்டு யானை இருவரையும் துரத்தியதில் பயந்து ஓழிய சிறுமி ரஞ்சனாவை யானை சரமாரியாக தாக்கியதை கண்டு தாய் சித்ரா  கதறி அழுத  சத்தம் கேடு  அக்கம் பக்கம் உள்ளவர்கள் ஓடி வந்ததபோது யானை மீண்டும் வனப்பகுதிக்குள் சென்று விட்டது..

பின்னர், படுகாயமடைந்த சிறுமியை உடனடியாக  மருத்துவமனைக்கு கொண்டு சென்றனர், ஆனால்  வழியிலேயே பரிதாபமாக உயிரிழந்தது பெரும் சோகத்தை ஏற்படுத்தியுள்ளது..

காட்டு யானை தாக்கி தாய் கண்முன்னே யானை தாக்கி மகள் இறந்த சம்பவம் அப்பகுதி மலைவாழ் மக்களிடையே பெரும் அதிர்ச்சியை ஏற்படுத்தியுள்ளது இறந்த சிறுமியின் உடல் பிரேத பரிசோதனைக்காக கோட்டூர் அரசு மருத்துவமனையில் வைக்கப்பட்டுள்ளது.