சென்னையில் நாயை பாலியல் பலாத்காரம் செய்த நபரை வீடியோ அடிப்படையில் போலீசார் தேடி வருகின்றனர்.

ஒரு நாயை ஒரு நபர் பாலியல் பலாத்காரம் செய்த வீடியோ அண்மையில் வாட்ஸ் அப்பில் வைரலானது. அந்த வீடியோவில் அந்த வீடியோவின் தொடக்கத்தில் பரிதாபத்துக்குரிய அந்த நாய் வலியால் துடித்து முனகும் காட்சிகள் இடம் பெற்றுள்ளன. அதனைத் தொடர்ந்து ஒரு நபர் அந்த நாயை பாலியல் பலாத்காரம் செய்யும் காட்சிகள் இடம் பெற்றுள்ளன. 

வலியால் துடித்த அந்த நாய் பலமுறை தன்னை விடுவித்துக்கொள்ள மேற்கொண்ட முயற்சி பலனளிக்கவில்லை. இதனை அங்கிருந்த ஒரு நபர் பதிவு செய்து இணையதளத்தில் வெளியிட்டது தெரிய வந்துள்ளது. சம்பவம் நடைபெற்ற இடமோ அதனைச் செய்த மனிதனின் அடையாளமோ தெரியவில்லை இந்நிலையில் அந்த நபரை கண்டுபிடித்து கடும் நடவடிக்கை எடுக்க சைபர் கிரைம் போலீசாரிடம் புகார் அளிக்கப்பட்டுள்ளது. 

அந்த அவலத்துக்குரிய மிருகத்தின் அச்சத்துக்கும்,  வலிக்கும் உரிய நீதி கிடைக்க வேண்டும் என போலீசார் தெரிவித்துள்ளனர். மிருகங்களிடம் கேவலமாக நடந்துகொள்ளும் ஆறறிவு மிருகங்களை பிடித்துக் கொடுக்க வேண்டியது ஒவ்வொருவரின் கடமை என்று தெரிவித்துள்ள போலீசார் அந்த நபர் குறித்து தகவல் தெரிந்தால்,  +917674922044 என்ற எண்ணில் தொடர்பு கொண்டு தெரிவிக்க அறிவுறுத்தியுள்ளனர். 

இதனிடையே அந்த நபரை பிடிக்கத் தக்க வகையில் பயனுள்ள தகவலை அளிப்பவர்களுக்கு 1 லட்சம் ரூபாய் வழங்கப்படும் என ஹ்யூமன் சொசைட்டி இண்டர்நேஷனல் என்ற அமைப்பு அறிவித்துள்ளது.