நாசிக் நகரில் இளம் பெண்ணை ஆட்டோவில் கடத்திய இருவர் கூட்டுப் பாலியல் பலாத்காரம் செய்த நிலையில் போலீசார் அவர்களிடம் லஞ்சம் பெற்றுக்கொண்டு தன்னைக் காப்பாற்றத் தவறி விட்டதாக பாதிக்கப்பட்ட பெண் குற்றம்சாட்டியுளார்.

நாசிக் நகரில் 22 வயது இளம் பெண் ஒருவரை இருவர் ஆட்டோவில் கடத்தினர். அப்போது வழியில் ஒரு இடத்தில் ஆட்டோவை போலீசார் வழிமறித்து நிறுத்தியதாகக் கூறப்படுகிறது. அவர்கள் இளம் பெண்ணை ஆட்டோவி கடத்துவது தெரிந்தும் போலீசார் அவர்களிடம் லஞ்சப் பணம் பெற்றுக்கொண்டு தப்ப விட்டதாகவும் அவர்கள் அந்தப் பெண்ணை கடத்திச் சென்று கூட்டுப் பாலியல் பலாத்காரம் செய்துவிட்டு தப்பியதாகவும் கூறப்படுகிறது. 

மறுநாள் இது குறித்து காவல் நிலையத்தில் புகார் அளிக்கச் சென்ற போது தன்னை அலைக்கழித்துவிட்டு 6 மணி நேரம் கழித்தே போலீசார் வழக்கை பதிவு செய்ததாகக் கூறுகிறார் அந்தப் பெண். பெண்ணின் புகாரி பேரில் இருவரையும் கைது செய்த போலீசார் அவர்களிடம் விசாரணை மேற்கொண்டுள்ளனர். 

இதே போன்று உத்தரப் பிரதேச மாநிலம் துத்லி என்ற கிராமத்தில் 23 வயதுப் பெண்ணை கடத்திய 6 பேர் கும்பல் கூட்டுப் பாலியல் பலாத்காரம் செய்த சம்பவமும் அரங்கேறியுள்ளது. அந்தப் பெண் ஒரு திருமணத்துக்குச் சென்றிருந்த போது இரு சக்கர வாகனங்களில் வந்த 6 பேர் கொண்ட கும்பல்  பெண்ணைக் கடத்திச் சென்று பாலியல் பலாத்காரம் செய்ததாகவும், இது குறித்துவெளியில் சொல்லக் கூடாது என மிரட்டிவிட்டுத் தப்பிச் சென்றதாகவும் பெண்ணின் குடும்பத்தினர் காவல் நிலையத்தில் அளித்த புகாரில் தெரிவித்துள்ளனர்.

இது தொடர்பாக வழக்கு பதிவு செய்துள்ள போலீசார் குற்றவாளிகளை தேடி வருகின்றனர். பலாத்காரத்தை நேரில் பார்த்தும் போலீசார் நடவடிக்கை எடுக்காதது அதிர்ச்சியை ஏற்படுத்தியுள்ளது.