இந்தியா, பாகிஸ்தான், ஈரான் போன்ற நாடுகளில் அதிகம் பயன்படுத்தக்கூடிய வெங்காயம் சீனாவில் அதிகம் உற்பத்தியாகிறது. காரத்தன்மை நிறைந்த வெங்காயத்தில் புரதச்சத்துக்கள், தாது உப்புக்கள் மற்றும் வைட்டமின்கள் நிரம்பியுள்ளன.

உரிக்க உரிக்க ஒன்றுமேயில்லை என்று சொல்லப்படும் வெங்காயத்தில் நிறைய நிறைய மருத்துவக் குணங்கள் நிரம்பியுள்ளன. பெரிய வெங்காயம், சாம்பார் வெங்காயம் இரண்டுமே ஒரே மருத்துவத் தன்மை கொண்டவை.

• ரத்தத்தில் கொழுப்பு சேர்வதை தடுக்கும் தன்மை வெங்காயத்துக்கு உண்டு என்பதால் இதயத்தின் தோழன் என்று சொல்லலாம்.

• நீர்க்கடுப்பு, சிறுநீர்த் தொற்று காரணமாக அவஸ்தைப்படுபவர்கள் வெங்காய சாறு குடித்தால், உடனடி நிவாரணம் கிடைக்கும்.

• மூளைக்கும் நரம்புக்கும் சுறுசுறுப்பு தரும் மூலக்கூறுகள் வெங்காயத்தில் உள்ளது என்பதால் குழந்தைகளுக்கு மிகவும் நல்லது.

• கண்ணீர் சுரப்பியை சுத்திகரிக்கும் தன்மை வெங்காயத்துக்கு உள்ளது. அத்துடன் உடலுக்கு நோய் எதிர்ப்பு சக்தியை அதிகரிக்கிறது.

வாயில் வெங்காயத்தை பச்சையாக போட்டு மெல்லுவதால் வாயில் இருக்கும் கிருமிகளை வெளியேற்ற முடியும். அதேபோல் தொண்டைப்புண், இருமலுக்கும் நல்லது.