பொதுவாகவே அனைவரும் தினமும் போதுமான அளவுக்கு தண்ணீர் குடிக்கவேண்டியது உடல் நலனுக்கு இன்றியமையாதது. கர்ப்பிணிகளைப் பொறுத்தவரை வழக்கத்தைவிட அதிகமாக, அதாவது குறைந்தது 12 டம்ளர் தண்ணீர் குடிக்கவேண்டும். இதனால் செரிமான மண்டலம் சிறப்பாக செயல்படும் என்பதால் சிறுநீரக பிரச்னைகள் தடுக்கப்படும்.

• உடலில் நீர்ச்சத்து போதுமான அளவில் இருந்தால்தான், வயிற்றுக்குள் குழந்தையின் அசைவு நன்றாக இருக்கும்.

• பனிகுட நீர் உருவாகவும், சமநிலையில் நீடிப்பதற்கும் கர்ப்பிணி பெண் போதுமான தண்ணீர் குடிக்கவேண்டியது அவசியமாகும்.

• சிறுநீர் பாதையில் தொற்றுநோய் உண்டாகும் அபாயத்தை தண்ணீர் குறைக்கிறது. குறிப்பாக கோடை காலத்தில் அதிகமாக தண்ணீர் குடிக்கவேண்டும்.

• கர்ப்பிணிகளுக்கு பெருந்துன்பம் கொடுக்கும் மலச்சிக்கல் ஏற்படாமல் தடுப்பதற்கும் தண்ணீர் பயன்படுகிறது. 

ஒரே நேரத்தில் அதிக அளவு தண்ணீர் குடிக்காமல், போதிய இடைவெளி விட்டு கொஞ்சம் கொஞ்சமாக குடிப்பது நல்லது. இதனால் அடிக்கடி சிறுநீர் கழிக்கும் தொந்தரவு இராது.