நடிகை பானுப்பிரியா வீட்டில் வேலை பார்த்து வரும் 16 வயது இளம் பெண்ணுக்கு செக்ஸ் டார்ச்சர் கொடுக்கப்படுவதாக பரபரப்பு புகார் எழுந்துள்ளது.

தமிழ் திரையுலகில் முன்னணி நடிகையாக வலம் வந்தவர் பானுப்பிரியா. விஜயகாந்த், சத்யராஜ், சரத்குமார் என ஒரு காலத்தில் ரவுண்டு கட்டி அடித்தவர் இவர். சிறப்பாக நடனம் ஆடக்கூடிய நடிகை என்றும், குடும்ப பாங்கான நடிகை என்றும் பானுப்பிரியாவுக்கு பெயர் உண்டு. தற்போது கூட நாயகன், நாயகிக்கு அக்கா, அம்மா வேடத்தில் நடித்து வருகிறார். 

   இந்த நிலையில் நடிகை பானுப்பிரியா மீது திடுக்கிட வைக்கும் புகார்கள் முன்வைக்கப்பட்டுள்ளன. ஆந்திராவை சேர்ந்த பெண்மணி ராஜேஸ்வரி (பெயர் மாற்றப்பட்டுள்ளது ) பானுப்பிரியாவுக்கு எதிராக பரபரப்பு புகாரை காவல் நிலையத்தில் கொடுத்துள்ளார்.

   அந்த புகாரில் தனது மகள் ரோஜா (பெயர் மாற்றப்பட்டுள்ளது) 15 வயதாக இருக்கும் போது பானுப்பிரியா வீட்டிற்கு வேலை பார்க்க சென்றதாக ராஜேஸ்வரி கூறியுள்ளார். 18 மாதங்களாக தனது மகள் ரோஜா பானுப்பிரியா வீட்டில் வேலை பார்த்து வருவதாகவும் அவர் தெரிவித்துள்ளார்.

   மாதம் 10 ஆயிரம் ரூபாய் சம்பளம் தருவதாக கூறி தனது மகள் ரோஜாவை பானுப்பிரியா வேலைக்கு எடுத்ததாகவும் ஆனால் தற்போது வரை ஒரு பைசா கூட தனக்கு பானுப்பிரியா சம்பளத்தை கொடுக்கவில்லை என்று ராஜேஸ்வரி தெரிவித்துள்ளர். மேலும் தான் தனது மகளை பார்க்க செல்லும் போதெல்லாம் வீட்டுக்குள் விடாமல் துரத்துவதாகவும் அவர் கூறியுள்ளார்.

    இந்த நிலையில் தனது மகள் ரோஜா தன்னை தொலைபேசியில் தொடர்பு கொண்டு பானுப்பிரியா தன்னை சித்ரவதை செய்வதாக கூறி அழுததாக ராஜேஸ்வரி தெரிவித்துள்ளார். மேலும் பானுப்பிரியாவின் சகோதரர் கோபாலகிருஷ்ணன் தனக்கு செக்ஸ் தொந்தரவு கொடுப்பதாகவும் தனது மகள் தனனிடம் கூறியதாக ராஜேஸ்வரி தெரிவித்துள்ளார். தற்போது தனது மகளை காணவில்லை என்றும், அவரை கண்டுபிடித்து தர வேண்டும் என்றும் ராஜேஸ்வரி கேட்டுக் கொண்டுள்ளார்.

   ராஜேஸ்வரி கூறியுள்ள புகாரின் அடிப்படையில் சென்னை போலீசார் விசாரணை மேற்கொண்டு வருகின்றனர். மேலும் மாயமதான கூறப்படும் ரோஜாவையும் தேடி வருகின்றனர். 18 வயதுக்கு கீழ் உள்ள சிறுமிகளை வேலைக்கு வைப்பதே தவறு, இதனையும் மீறி பானுப்பிரியா சிறுமியை வேலைக்கு வைத்துள்ளார். 

   அத்துடன் பானுப்பிரியாவின் சகோதரர் கோபாலகிருஷ்ணன் சிறுமிக்கு பாலியல் தொந்தரவு கொடுத்துள்ளதும் விவகாரமாகியுள்ளது.