கர்ப்பத்தில் ஒரு குழந்தை உறுதிபடுத்தப்பட்டாலே பெண்களின் ஆனந்தத்தை சொல்லமுடியாது. அதுவே இரட்டைக் குழந்தை என்றால் கூடுதல் ஆனந்தம் மட்டுமல்ல, ஜாக்பாட் அடித்தது போன்ற சந்தோஷத்தை உணர்வார்கள். வயிற்றுக்குள் ஒன்றுக்கு மேற்பட்ட குழந்தைகள் இருப்பது, மல்டிபிள் பிரக்னென்சி என்று மருத்துவத்தில் அழைக்கப்படுகிறது.

•              21-ம் நூற்றாண்டில் ஒன்றுக்கு மேற்பட்ட குழந்தைகள் உருவாவதற்கு ஆயிரத்தில் 15 பேருக்கு வாய்ப்பு இருப்பதாக ஆய்வுகள் தெரிவிக்கின்றன.

•              1980ம் ஆண்டுக்கு பிறகு ஒன்றுக்கு மேற்பட்ட குழந்தைகளின் பிறப்பு விகிதம் கிட்டத்தட்ட 50 சதவிகிதம் அதிகரித்திருத்துள்ளது..

•              இன்றைய நிலையில் இந்தியாவில் ஆயிரத்தில் 14.87 பேருக்கு ஒன்றுக்கு மேற்பட்ட குழந்தைகள் பிறக்கின்றன.

•              இரண்டு குழந்தைகளை ட்வின்ஸ் என்றும், மூன்று குழந்தைகளை ட்ரிப்ளெட்ஸ் என்றும் நான்கு குழந்தைகளை குவாட்ரப்ளெட்ஸ் என்றும் அழைக்கிறார்கள். பொதுவாக நான்கு குழந்தைகளுக்கு மேல் குழந்தை பெறுவது அரிதாக இருக்கிறது.

பெரும்பாலான உயிரினங்கள் ஒன்றுக்கு மேற்பட்ட குட்டிகள் பெறுவது சகஜமாக இருந்தாலும் மனிதகுலத்தைப் பொறுத்தவரை ஒன்றுக்கு மேற்பட்ட குழந்தை என்றாலே சவாலான காரியமே.