ஐம்பது வயதைத் தொட்டாலே கண் மங்கிப்போச்சு என்பார்கள். ஏனென்றால் அவர்களுக்கு கண் புரை வந்திருக்கும். முதுமை, பிறவிக் கோளாறு, சூரிய ஒளி பாதிப்பு போன்றவையால் ஏற்படும் இந்த கண் புரை வராமல் தவிர்த்துக்கொள்ள முடியும்.

சூரிய ஒளியைப் பார்த்தால் கூச்சம் ஏற்படுதல், ஒரு உருவம் பல உருவமாகத் தென்படுதல், வெளிச்சத்தில் வானவில் கலர் தென்படுதல் போன்றவை கண் புரைக்கான ஆரம்ப அறிகுறிகள். ரத்த அழுத்தம் போன்று கண்களுக்குள் இருக்கும் நீர் அழுத்தம் காரணமாக ஏற்படும் கிளக்கோமாவுக்கு தகுந்த சிகிச்சை செய்யவில்லை என்றால் பாதிப்பு ஏற்பட வாய்ப்பு அதிகம்.

சர்க்கரை நோய், உயர் அழுத்த நோய், இதய நோய் உள்ளவர்களுக்கு கிளக்கோமா பிரச்னையும் கண் புரையும் ஏற்படும் வாய்ப்பு அதிகம். இந்தக் குறைபாடுகளை ஆரம்பத்திலேயே கண்டறிந்தால் சொட்டு மருந்துகள் மூலமே பிரச்னையைத் தீர்த்துக்கொள்ள இயலும். நோய் முற்றிய நிலையில் பார்வை இழப்பு ஏற்படவும் வாய்ப்பு உண்டு. ஒரு முறை பார்வை இழப்பு ஏற்பட்டால், மீண்டும் பார்வை கொடுப்பதற்கு வழியே இல்லை என்பதால் வருமுன் காப்பது நல்லது.