கொளுத்தும் வெயிலில் இருந்து உங்கள் உடலை காக்கும் கோடை உணவுகள்!

கோடை காலத்தில் செய்ய வேண்டிய முதல் முக்கிய விஷயம், நிறைய தண்ணீர் அருந்துவது. அதிகப்படியான நீர்ம உணவுகளை எடுத்து கொள்ள வேண்டும். அத்துடன் இளநீர், மோர், சாத்துக்குடி, எலுமிச்சை, தர்பூசணி போன்ற பழச்சாறுகளை அருந்த வேண்டும்.


சிட்ரஸ் பழங்களை அதிகம் சாப்பிடுங்கள். இதிலுள்ள வைட்டமின் சி சத்து சருமம் வறண்டு போகாமல் பாதுகாக்கும். புரதம் அதிகமுள்ள பால், முட்டையும் எடுத்துக் கொள்ளலாம். அதிகப்படியான வியர்வை வெளிவருவதால் உப்பு குறைபாடு ஏற்படாமல் இருக்க மோரில் உப்பு போட்டு அருந்துவது சிறப்பாக இருக்கும்.

தயிரில் நன்மை தரும் பாக்டீரியாக்கள் உள்ளன. அதனால் வெயில் காலத்தின் போது அதிக அளவிற்கு தயிர் சாப்பிட வேண்டும். மோர், லஸ்ஸி எனவும் தயிரை பருகலாம். செரிமானத்திற்கு உதவுவது மட்டுமல்லாமல் இவை நோய் எதிர்ப்பு சக்தியை அதிகரிக்கிறது.

வெயில் காலத்தில் மாங்காய் சாப்பிட வேண்டும். ஏனென்றால் மாங்காய் சாப்பிட்டால் வெயிலால் உடல் வறட்சி அடைந்து ஊட்டச்சத்து இழப்பதை தடுக்கலாம்.