படுக்கை அறையில் ரகசிய கேமரா..! அம்பலமான வேலைக்காரியின் லீலைகள்..! கையும் களவுமாக சிக்கிய சம்பவம்!

சென்னையில் வேலை செய்யும் வீட்டிலேயே 19.85 லட்சம் ரூபாய் வரை பணிப்பெண் திருடிய சம்பவம் பரபரப்பை ஏற்படுத்தி உள்ளது.


சென்னை அபிராமபுரத்தில் தொழிலதிபர் பெரியவண்ணன் வசித்து வருகிறார். இவரது படுக்கை அறையில் உள்ள பீரோவில் அவ்வப்போது பணம் திருடு போயுள்ளது. 

திருடு போவது சிறிய அளவிலான தொகைதான் என்பதால் ஒருவேளை நாம்தான் செலவு செய்துவிட்டு மறந்துவிட்டோம் என கருதி அதை சாதாரணமாக எடுத்துக் கொண்டார் பெரியவண்ணன். நாளடைவில் பீரோவில் வைக்கும் பணம் ரெகுலராக திருடுபோக அதிர்ச்சி அடைந்த தொழிலதிபர் சிசிடிவி காட்சிகளை ஆராய்ந்து பார்த்தார். ஆனால் யாருமே வெளி ஆட்கள் அங்கு வரவில்லை. கடைசியாக படுக்கை அறையிலேயே சிசிடிவி கேமரா பொருத்தி விட்டார் பெரியவண்ணன்.

பின்னர் அந்த காட்சிகளை பார்த்து அதிர்ச்சி அடைந்தார். அதில் பல வருடங்களாக பணிப்பெண்ணாக இருக்கும் உஷாதான் பீரோவை திறந்து பணம் எடுத்தது தெரியவந்துள்ளது. இதையடுத்து காவல்நிலையத்தில் தொழிலதிபர் புகார் அளிக்க அங்கு உஷாவை அழைத்து சென்று போலீசார் முறைப்படி விசாரித்ததில் பல உண்மைகள் வந்தது. பீரோ சாவி போலவே ஒரு போலி சாவி தயார் செய்து கடந்த 5 வருடங்களில் கைவரிசை காட்டியுள்ளார் பணிப்பெண் உஷா.

அதாவது ரூ.19.85 லட்சம் வரை திருடிய உஷா அந்த பணத்தில் 40 சவரன் தங்க நகைகள் வாங்கி வைத்துள்ளார். வீட்டிலும் கொஞ்சம் சேமித்து வைத்துள்ளார். இதையடுத்து போலீசார் கைது செய்தனர்.

ஒரு விஷயத்தை உஷாவை பாராட்டி ஆகவேண்டும். திருடிய பணத்தை ஊதாரித்தனமாக செலவு செய்துவிடாமல் தன்னுடைய குழந்தைகளின் எதிர்காலத்திற்காக பத்திரமாக சேர்த்து வைத்ததற்கு. இதன் மூலம் பணம் எந்த வழியில் வந்தாலும் அதை சேமித்து வைக்க வேண்டும் என இந்த சமுதாயத்திற்கு சொல்லிவிட்டு சிறைக்கு சென்றுள்ளார் உஷா.