மோடியும் ஹிட்லரும் ஒன்னுதானாம்! காங்கிரஸ் பரப்பும் அட்டகாச செய்தியை படித்துப்பாருங்கள்!

ஆன்லைனில் தங்கள் கட்சிக்கு வாக்கு சேகரிப்பதைவிட, எதிரணியை காயப்படுத்துவதுதான் முக்கியத்துவம் பெறுகிறது. இதோ ஹிட்லரைப் பற்றிய குறிப்புகளை முதலில் படித்துப்பாருங்கள்.


ஹிட்லர் ஒரு சாதனையாளர் என்று எல்லோரும் நம்பினார்கள், நம்பவைக்கப்பட்டார்கள். நாட்டில் ஒரு குறிப்பிட்ட சமுதாய மக்கள் எதிரியாக இருந்ததாக நினைத்தார். ஹிட்லரின் ஆதரவாளர்கள் கண்மூடித்தனமாக ஹிட்லரை அவதார ருஷராக நம்பினார்கள், ஹிட்லர் பற்றிய உண்மைகளை, விமர்சனங்களை அவர்களால் ஏற்றுக் கொள்ள முடியவில்லை.. 

ஹிட்லர் நாளிதழ், ஊடகங்கள் அனைத்தும் தன்னை பற்றிய செய்திகளை பதியுமாறு செய்தார்.. ஊடகங்களும் அவ்வாறே ஹிட்லர் புகழ் பாடி செய்தி வெளியிட்டார். உழைப்பாளர் சங்கங்கள் அனைத்தையும் ஒடுக்கினார். ஹிட்லர் தனக்கு எதிராக குரல் கொடுப்பவர்களை தேச விரோதி என்று முத்திரை குத்தினார், நயவஞ்சகர்கள் என்று அழைத்தார்.

ஹிட்லர், சாதாரண அடிப்படை தொண்டராக பாசிச நாஜி படையில் சேர்ந்தார். தனக்கு எதிரானவர்களுக்கு குழிகளை பறித்து பாசிச நாஜி படைக்கு தலைமை பதவியை பிடித்தார். நாட்டின் அனைத்து பிரச்சினையும் ஒரு நொடியில், மிக துரிதமாக தீர்வு காண தன்னால் முடியும் என்று வாக்குறுதி கொடுத்து ஆட்சியை பிடித்தார்.

ஆட்சி, அதிகாரத்திற்கு வந்த ஹிட்லரால் நாட்டின் சாதாரண ஒரு பிரச்சினைக்கு கூட தீர்வு காண முடியவில்லை. ஆனால் ஜெர்மனியை அதல பாதாளத்திற்கு கொண்டு சென்றார். நாட்டிற்கு நல்ல காலம் வர போகிறது, நாடு வல்லரசு ஆக போகிறது என்பது தான் ஹிட்லரின் தேர்தல் ஸ்லோகமாக இருந்தது.

ஹிட்லரின் நாஜி கட்சி வெற்றி பெற்று முதல் முறையாக பார்லிமென்டுக்கு ஹிட்லர் சென்ற போது அங்கு உணர்ச்சி மிகுதியால் அழுதார். பொய்கள் மற்றும் வெறுப்புகளை மட்டுமே மக்கள் மத்தியில் பரப்பி ஹிட்லர் ஆட்சிக்கு வந்தார். விலையுயர்ந்த ஆடைகள் அணிவதை ஹிட்லர் அதிகமாக விரும்பினார்.

ஹிட்லர் பொய்களை உண்மைகள் போலவும், உண்மைகளை பொய்கள் போலவும் பேச கலையை அறிந்தவர். ஹிட்லர் தன்னை முதன்மைப் படுத்தி ”நான், எனது” என்று மட்டும் தான் அனைத்து தருணத்திலும் பேசினார். ஹிட்லர் ரேடியோவில் பேசுவதை மக்களுக்கு ஒலிப் பரப்புவதை அதிகம் விரும்பினார்.

 “நண்பர்களே, தோழர்களே” என்ற வார்த்தையை தான் தனது பிரச்சாரங்களில் அதிகம் உபயோகம் செய்தார். ஹிட்லர் தன்னை புகைப்படம் எடுப்பதை அதிகம் விரும்பினார். இந்தப் பதிவு முழுக்க முழுக்க ஹிட்லர் பற்றிய வரலாற்றுப் பதிவு மட்டும்தான். ஆனால், பெயரை மட்டும் மாற்றிவிட்டால் அப்படியே மோடிக்கும் பொருத்தமாக இருக்கும் என்கிறார்கள். சூப்பரப்பு.