ராஜஸ்தான் மாநிலத்தில் பழங்குடியினப் பெண்ணை பாலியல் பலாத்காரம் செய்ததோடு விஷம் கொடுத்துக் கொன்ற நபர்களை போலீசார் தேடி வருகின்றனர்.

ராஜஸ்தான் மாநிலம் பரன் மாவட்டத்தில் உள்ள குணா நகரில் தனியார் நிகழ்ச்சி ஒன்றில் கலை நிகழ்ச்சிகளை நடத்துவதற்காக 4 பழங்குடியினப் பெண்கள் வந்தனர். அவர்களில் சகோதரிகளான இரு பெண்களை இருவர் அருகில் உள்ள வனப்பகுதிக்கு கடத்திச் சென்றதாகக் கூறபப்டுகிறது. 

அவர்களில் ஒரு பெண்ணுடன் அவர்கள் உல்லாசமாக இருக்குமாறு வலியுறுத்தியுள்ளனர். ஒருவர் அதற்கு ஒப்புக் கொண்டுள்ளார். ஆனால் அந்த பெண் ஒப்புக் கொள்ளவில்லை. இதனால் அந்த பெண்ணுக்கு மயக்க மருந்தை கொடுத்துள்ளனர். பின்னர் அந்த பெண் மயங்கிய பிறகு பாலியல் பலாத்காரம் செய்யப்பட்டுள்ளார்.

பின்னர் பெண்களை அந்த நபர்கள் அங்கேயே விட்டு தப்பிச் சென்றுள்ளனர்.  இந்த நிலையில் மயக்க மருந்து கொடுக்கப்பட்ட பெண் உடல் நலம் பாதிக்கப்பட்டு உயிரிழந்துள்ளார். 

இது தொடர்பாக அந்தப் பெண்ணின் சகோதரி காவல் நிலையத்தில் அளித்த புகாரில் தனது சகோதரி பாலியல் பலாத்காரம் செய்யப்பட்ட பிறகு பங்கஜ் கலால் என்ற நபருக்கு விஷம் கலந்த உணவுப் பொருளைக் கொடுத்ததாக தெரிவித்துள்ளார். அதன் பேரில் வழக்கு பதிவு செய்துள்ள போலீசார் மர்ம நபர்களை தேடி வருகின்றனர். 

விசாரணையில் அந்த பெண்ணுக்கு மயக்க மருந்து அதிகம் கொடுக்கப்பட்டதால் உயிரிழந்துவிட்டதாகவும் இது தெரியாமல் சடலத்துடன்உறவு கொண்டுவிடடு அந்த நபர்கள் தப்பியுள்ளனர்.