பெண்களை ஆடை இல்லாமல் பார்க்க ஒரு வில்லங்க செல்போன் ஆப்! பதற வைக்கும் கண்டுபிடிப்பு!

ஆடையை நீக்கி நிர்வாணமாக காட்டும் செயலி வைரலாக பரவிய நிலையில் தற்போது முடக்கப்பட்டுள்ளது.


எஸ்தோனியாவில் செயல்படும் நிறுவனம் ஒன்று டீப் நியூட் என்ற செயலியை தயாரித்தது. இந்த செயலியின் மூலம் ஆடையை விலக்கி நிர்வாணமாக ஒருவரை நம்மால் பார்க்க முடியும். அதாவது ஒரு பெண்ணை ஆடையுடன் புகைப்படம் எடுத்துக்கொண்டு இந்த செயலின் உதவியுடன் ஆடை இல்லாமல் பார்க்க முடியும்.

இதை எதற்கு உருவாக்கினோம் என்பதற்கான ஒரு வினோத காரணத்தை அந்த நிறுவனம் கொடுத்துள்ளது. பொழுதுபோக்கிற்காக மட்டுமே இந்த செயலியை வடிவமைத்ததாக அந்த நிறுவனம் தெரிவித்துள்ளது. இந்த நிலையில் அந்த செயலியின் பணிகள் குறித்து அறிந்த லட்சக்கணக்கானோர் தங்களது செல்போன்களில் பதிவேற்றம் செய்து பயன்படுத்த தொடங்கினர்.

இந்த செயலியின் தீமை அறிந்த ஒரு சிலர் சமூக வலைதளங்களில் தங்களது எதிர்ப்பை பதிவு செய்தனர். இதையடுத்து சைபர் குற்றங்களுக்கு எதிரான அமைப்புகள் பலவும் ஒன்று திரண்டு செயலிக்கு எதிராக குரல் எழுப்பின. இதையடுத்து அந்த செயலியானது முடக்கப்பட்டது.

இது ஒரு அழிவு பாதைக்கான செயலி என்று குற்றம்சாட்டி உள்ள பல அமைப்புகள், விரைவில் பின்விளைவுகளை சந்திக்க நேரிடும் என்று அந்த நிறுவனத்தை எச்சரித்துள்ளன. செயலி முடக்கப்பட்டு இருந்தாலும் கூட இன்னும் தளத்தில் பதிவிறக்கம் செய்வதற்காக தயாராக இருப்பதாகவும் கூறப்படுகிறது.