டெல்லி கேபிட்டல்ஸ் மற்றும் கிங்ஸ் XI பஞ்சாப் அணிகளுக்கு இடையேயான ipl போட்டியில் கிங்ஸ் XI பஞ்சாப் அணி 20 ஓவர்களில் 9 விக்கெட் இழப்பிற்கு 166 ரன்களை எடுத்துள்ளது.

டாஸ் வென்ற டெல்லி கேபிட்டல்ஸ் அணி கிங்ஸ் XI பஞ்சாப் அணியை பேட்டிங் செய்ய பணித்தது. டெல்லி கேபிட்டல்ஸ் அணி சிறப்பாக பந்து வீசி சீரான இடைவெளியில் விக்கெட்களை கைப்பற்றினர். இதனால் எந்த ஒரு வீரரும் அரை சதம் கூட அடிக்கவில்லை.

அந்த அணியின் டேவிட் மில்லர் அதிகபட்சமாக 43 ரன்களை எடுத்தார் .அவருக்கு அடுத்தபடியாக சர்ப்ராஸ் கான் 39 ரன்களை சேர்த்தார். விக்கெட்கள் ஒரு பக்கம் போனாலும் மந்தீப் சிங் மட்டும் ஒரு முனையில் பொறுப்பாக விளையாடி கிங்ஸ் XI பஞ்சாப் அணியை ஓரளவுக்கு நல்ல ஸ்கோரை எட்ட உதவினார். இவர் அவுட் ஆகாமல் 29 ரன்களை சேர்த்தார்.

இதனால் கிங்ஸ் XI பஞ்சாப் அணி நிர்ணயிக்கப்பட்ட 20 ஓவர்களில் 9 விக்கெட் இழப்பிற்கு 166 ரன்களை எடுத்தது. டெல்லி கேபிட்டல்ஸ் அணியின் கிறிஸ் மோரிஸ் சிறப்பாக பந்து வீசி 3 விக்கெட்களை கைப்பற்றினார். ரபாடா 2 விக்கெட்களை வீழ்த்தினார்.