இன்றைய tnpl போட்டியில் சேப்பாக் சூப்பர் கில்லிஸ் அணி 41 ரன்கள் வித்தியாசத்தில் அபார வெற்றி பெற்றுள்ளது.

முதலில் பேட்டிங் செய்த சேப்பாக் சூப்பர் கில்லிஸ் அணி நிர்ணயிக்கப்பட்ட 20 ஓவர்களில் 6 விக்கெட் இழப்பிற்கு 148 ரன்களை எடுத்தது. அந்த அணியின் ஹரிஷ் குமார் அதிகபட்சமாக 39 ரன்களை எடுத்தார். ரூபி திருச்சி வாரியர்ஸ் அணியின் சரவன் குமார் 2 விக்கெட்களை வீழ்த்தினார்.

பின்னர் பேட்டிங் செய்த ரூபி திருச்சி வாரியர்ஸ் அணியின் பேட்ஸ்மேன்கள் சேப்பாக் சூப்பர் கில்லிஸ் அணியின் பந்து வீச்சை சமாளிக்க முடியாமல்  நிர்ணயிக்கப்பட்ட 20 ஓவர்களில் 9 விக்கெட்களை இழந்து 107 ரன்களை மட்டுமே எடுத்தது. சேப்பாக் சூப்பர் கில்லிஸ் அணியின் அலெக்சாண்டர் 5 விக்கெட்களை வீழ்த்தி சேப்பாக் சூப்பர் கில்லிஸ் அணயின் வெற்றிக்கு வழிவகுத்தார்.