தமிழ்நாட்டில் 67 பேருக்கு கொரோனா! தினம் தினம் கிடுகிடுவென உயரும் பாதிப்பு.! காரணம் இஸ்லாம் மதப்பிரச்சாரத்திற்கு வந்தவர்கள்? பரபர பின்னணி!

தமிழ்நாட்டில் ஈரோடு, மதுரை, சேலம் உள்ளிட்ட இடங்களுக்கு மதப்பிரச்சாரம் செய்ய வந்த வெளிநாட்டினரால் தான் தமிழகத்தில் கொரோனா பரவி வருவதாகவும், தமிழகததில் பாதிப்பு எண்ணிக்கை அதிகரிக்கவும் அவர்களுடன் தொடர்பில் இருந்தவர்களும் தான் காரணம் என்றும் தகவல் வெளியாகியுள்ளது.


தமிழகத்தில் இதுவரை 67 பேருக்கு கொரோனா உறுதியாகியுள்ளது. இவர்களில் ஈரோட்டில் மட்டும் 24 பேருக்கு கொரோனா பாதித்துள்ளது. அவர்களில் 18 பேர் ஈரோட்டைச் சேர்ந்தவர்கள். எஞ்சிய 6 பேர் தாய்லாந்தை சேர்ந்தவர். இதே போல் மதுரையில் இதுவரை 5 பேருக்கு கொரோனா உறுதி செய்யப்பட்டு ஒருவர் பலியாகியுள்ளார். இரண்டு பேர் சிகிச்சையில் உள்ளனர்.

இதே போல் சேலத்தில் 8 பேருக்கு கொரோனா உறுதியாகியுள்ளது. இந்த நிலையில் ஈரோடு, சேலம் மற்றும் மதுரையில் கொரோனாவால் பாதிக்கப்பட்ட அனைவருமே வெளிநாடுகளில் இருந்து மதப்பிரச்சாரத்திற்கு வந்தவர்களால் பாதிக்கப்பட்டவர்கள். முதற்கட்டமாக தாய்லாந்து மற்றும் இந்தோனேஷியாவில் இருந்து வந்த மதகுருமார்கள் ஈரோடு, சேலம் பகுதிகளில் உள்ள பள்ளிவாசல்களில் தங்கியிருந்தனர்.

அவர்களில் ஆறு பேருக்கு கொரோனா உறுதியான நிலையில் தற்போது அந்த எண்ணிக்கை 30ஐ கடந்துள்ளது. இவர்கள் அனைவருமே வெளிநாட்டு மதபோதகர்களுடன் தொடர்பில் இருந்தவர்கள் என்று கூறப்படுகிறது. இதே போல் டெல்லியில் இந்த மாத துவக்கத்தில் தப்லிக் ஜமாத் எனும் அமைப்பு சார்பில் மாநாடு நடைபெற்றது.

இந்த மாநாட்டிற்கு சென்று வந்த சுமார் 1500 பேரில் 24 பேருக்கு கொரோனா உறுதி செய்யப்பட்டுள்ளது. இதனை தொடர்ந்து டெல்லி சென்று வந்த சுமார் 900 பேர் தனிமைப்படுத்தப்பட்டனர். அதே சமயம் எஞ்சிய 600 பேரை கண்டுபிடிக்க முடியவில்லை. இதனால் அவர்கள் மூலமாக கொரோனா பரவக்கூடும் என்று அஞ்சப்படுகிறது.

தமிழகத்தில் துவக்கத்தில் கொரோனா பாதிப்பு ஒற்றை இலக்கத்தில் இருந்தது. ஆனால் தற்போது 67ஆக உயர்ந்துள்ள நிலையில் அவர்களில் பெரும்பாலானவர்கள் மதப்பிரச்சாரத்திற்கு வந்தவர்களால் கொரோனா தொற்றை ஏற்படுத்திக் கொண்வடர்கள் என்று தெரியவந்துள்ளது.