சாப்பிடாமல்கூட மனிதனால் சில நாட்கள் இருந்துவிட முடியும், ஆனால் தூங்காமல் சில நாட்கள் இருக்க முடியாது. இரவு ஷிப்ட் பணியாற்றுவதால் உடல் அவயங்களில் பெரும் பாதிப்பு ஏற்படலாம் என்பதுதான் மருத்துவ ஆய்வு.

மனித உடலில் உள்ள உறுப்புகள் ஒவ்வொன்றும் குறிப்பிட்ட  2 மணி நேரங்கள் அதீத சக்தியுடன் செயலாற்றுகிறது. அந்த வகையில் மனித உடலில் உள்ள  உறுப்புகள்  எந்தெந்த நேரத்தில் அதிகமாக இயங்குகிறது என்பதைப் பார்ப்போம்.

நுரையீரல்                 : 3 Am - 5 Am - அதனால்தான் அதிகாலை எழுந்து ஓசோன் நிறைந்த சுத்தமான காற்றை உள்வாங்கவேண்டும் என்று சொல்கிறார்கள்.

பெருங்குடல்             : 5 Am - 7 Am -  காலையில் எழுந்தவுடன் பெருங்குடலில் உள்ள அசுத்தத்தை வெளியேற்றிவிட வேண்டும். அப்போதுதான் பெருங்குடல் ஆற்றலுடன் இயங்கமுடியும்.

இரைப்பை                : 7 Am - 9 Am -  இதுதான் காலை உணவு எடுத்துக்கொள்வதற்கு ஏற்ற நேரம். 

மண்ணீரல்               : 9 Am - 11 Am – உணவில் இருக்கும் சக்திகளை கிரகித்துக்கொள்ளும் நேரம் இது. இப்போது அதிக உடல் உழைப்பு இருக்கக்கூடாது.

இருதயம்                   : 11 Am - 1 Pm -  வயிறு காலியாக இருக்கவேண்டிய நேரம் இது. இப்போது கண்டதையும் தின்று இதயத்தின் பணியை சிக்கலாக்கக்கூடாது.

சிறுகுடல்                   : 1 Pm - 3 Pm – மதிய உணவு எடுத்துக்கொள்ளும் நேரம். வயிறு நிரம்ப சாப்பிடக்கூடாது.

சிறுநீர்பை                 : 3 Pm - 5 Pm – தண்ணீர் குடிக்கவேண்டிய நேரம். சாப்பிடும் நேரத்தில் தண்ணீர் குடிக்ககூடாது.

சிறுநீரகம்                  : 5 Pm - 7 Pm – ஓய்வெடுக்க வேண்டிய நேரம் இது.

இருதய மேலுறை    : 7 Pm - 9 Pm  - இரவு உணவு எடுத்துக்கொள்ள வேண்டிய நேரம்.

மூவெப்ப மண்டலம் : 9 Pm - 11 Pm – இரவு படுக்க வேண்டிய நேரம்

பித்தப்பை                  : 11 Pm - 1 Am – கண்டிப்பாக உடலில் உள்ள அனைத்து அவயங்களும் ஓய்வு எடுக்க வேண்டிய நேரம். அதனால் தொலைக்காட்சி பார்ப்பது போன்றவையும் இருக்கக்கூடாது.

கல்லீரல்                     : 1 Am - 3 Am – ஆழ்ந்து உறங்கவேண்டிய நேரம் இது. எந்தக் காரணம் கொண்டும் விழிக்கவே கூடாது.

இத்தனை அவயங்களும் அவை வேலை செய்ய வேண்டிய நேரத்தில் சரியாக இயங்க வேண்டும் என்றால் இரவில் விழித்திருக்கக் கூடாது.