கன்னியாகுமரி அருகே உள்ளது சுசீந்திரம். சுசி + இந்திரன் = இந்திரன் சாபம் நீங்கப் பெற்ற இடம்.

இத்தலத்தில் பிரம்மா, விஷ்ணு, சிவன் ஆகிய மூவரும் ஒருங்கே காட்சி கொடுக்கும் (தாண்+மால்+அயன்) தாணுமாலயன் ஆலயம் மிகவும் பிரசித்தமானது. இவ்வாலய திருக்குளம் சகல பாவங்களையும் நீக்க வல்லது. இந்த திருக்குளத்தில் நீராடி தாணுமாலயனை பூஜித்து வந்ததால்தான் இந்திரன் சாப விமோசனம் பெற்றான்.  

பிரம்மன் இவ்வாலயத்தில் பூஜை செய்து வருவதாக இன்றும் நம்பப்படுகிறது. இதன் காரணமாகவே இங்கு அர்த்தஜாம பூஜை கிடையாது. இந்திரன், நந்தியையும், விக்னேஸ்வரரையும் ஒருங்கே தியானித்ததால் ஆலயத்தில் இந்திர விநாயகர் என்ற ஓர் விநாயகர் சந்நதியும், அவர் முன் நந்திதேவரையும் பார்க்க முடியும்.