தளபதி விஜய் தற்போது இயக்குனர் லோகேஷ் கனகராஜ் இயக்கத்தில் புதிய திரைப்படம் ஒன்றில் நடித்து வருகிறார்.

தளபதி விஜய் தற்போது தன்னுடைய 64வது திரைப்படத்தில் பிஸியாக நடித்து வருகிறார். இயக்குனர் லோகேஷ் கனகராஜ் இயக்கும் இந்த திரைப்படத்தில் நடிகர் விஜய் சேதுபதி, சாந்தனு பாக்யராஜ் , மாளவிகா, ஆண்டனி வர்கீஸ் ஆகியோரும் நடித்து வருகின்றனர்.

இந்த திரைப்படத்தில் விஜய்யின் கதாபாத்திரம் என்ன என்பதை பற்றி அவரது ரசிகர்கள் பெரிதும் எதிர்பார்த்து காத்துக் கொண்டிருக்கின்றனர். இந்நிலையில் தற்போது அவர் இந்த திரைப்படத்தில் நடித்திருக்கும் கதாபாத்திரத்தின் தகவல்கள் கசிந்துள்ளது.

தளபதி விஜய் நடிக்கும் புதிய திரைப்படத்தின் படப்பிடிப்பு டெல்லியில் உள்ள தனியார் கல்லூரியில் நடைபெற்று வருகிறது. இதுவரை இந்த திரைப்படத்தில் தளபதி விஜயின் கதாபாத்திரம் என்ன என்று தெரியாமல் குழம்பிக் கொண்டிருந்த ரசிகர்களுக்கு விருந்தாக படப்பிடிப்புத் தளத்தில் இருந்து புகைப்படம் ஒன்று வெளியாகியுள்ளது .

இந்த புகைப்படத்தில் நடிகர் விஜய் தன்னுடைய கழுத்தில் ஐடி கார்டு அணிந்துகொண்டு அமர்ந்திருக்கிறார் . இதனை பார்ப்பதற்கு கல்லூரி மாணவர் போல் உள்ளது . இதனைப் பார்த்த மேலும் சிலர் நடிகர் விஜய் ஆசிரியர் கதாபாத்திரத்தில் நடித்து வருவதாகவும் கூறி வருகின்றனர் .

இருப்பினும் நடிகர் விஜய்யின் கதாபாத்திரம் என்ன என்பதைப் பற்றிய தகவல்கள் இதுவரை அதிகாரப்பூர்வமாக அறிவிக்கப்படவில்லை என்பது குறிப்பிடத்தக்கது. மேலும் விஜய்யின் கதாபாத்திரம் பற்றிய தகவல்கள் விரைவில் வெளியாகும் என்று விஜய் ரசிகர்கள் எதிர்பார்த்து காத்திருக்கின்றனர்.