கற்பழிப்பு காட்சியை மிகவும் வக்கிரமாக ஒளிபரப்பியதற்காக சன் டிவிக்கு ரூ.2.5 லட்சம் அபராதம் விதிக்கப்பட்டுள்ளது.

சன் டிவியி தினந்தோறும் இரவு ஒளிபரப்பாகி வரும் சீரியல் கல்யாண வீடு. மெட்டி ஒலி புகழ் திருமுருகன் இந்த சீரியலை தயாரித்து சன் டிவியில் ஒளிபரப்பி வருகிறார். இந்த நிலையில் கடந்த மே மாதம் 14 மற்றும் 15ந் தேதிகளில் ஒளிபரப்பான எபிசோட்களால் பிரச்சனை உருவாகியுள்ளது.

சீரியலில் ரோஜா எனும் கதாப்பாத்திரத்தில் நடித்து வரும் நடிகை ஒருவர் கூலிப்படையினரை அணுகி தனது தங்கையை கதற கதற கற்பழிக்க வேண்டும் என்று கூறுகிறார். மேலும் என் தங்கச்சிக்கு இன்னும் கல்யாணம் ஆகல, அவ கன்னிப் பெண் அதனால அவள் மீது இரக்கமே காட்டக்கூடாது என்றும் ரோஜா கூறுகிறார்.

மேலும் நீங்கள் கற்பழிக்கப்போவது என்னுடைய தங்கை என்கிற பட்சாபதம் எல்லாம் இருக்க கூடாது, முடிந்த அளவிற்கு மிக கொடூரமாக அவளை கற்பழிக்க வேண்டும் என்று ரோஜா தெரிவிக்கிறார். இதனை ஏற்று கூலிப்படை தலைவர் முதலில் ரோஜாவின் தங்கையை கதற கதற கற்பழிக்கிறார். பிறகு அவனது கூலிப்படையில் உள்ளவர்களும் கற்பழிக்கின்றனர்.

மிகவும் ஆபாசமாகவும் அறுவெறுப்பாகவும் இந்த இரண்டு எபிசோட்கள் இருந்ததாக பொதுமக்களிடம் இருந்து புகார் வந்தது. மேலும் தொலைக்காட்சிகள் மீது புகார் அளிக்கும் த பிராட்கேஸ்டிங் கன்டென்ட் கம்ப்ளய்ன்ட் கவுன்சிலிலும் பலர் புகார் அளித்தனர். இதன் அடிப்படையில் சீரியலை ஒளிபரப்பிய சன் டிவி மற்றும் தயாரித்த திரு பிக்சர்க்கு நோட்டீஸ் அனுப்பி வைக்கப்பட்டது.

இருவரும் கொடுத்த விளக்கம் திருப்திகரமாக இல்லை. எனவே சன்டிவி அப்படி ஆபாசமா காட்சிகளை ஒளிபரப்பியதற்காக 2.5 லட்சம் ரூபாய் அபராதம் விதிக்கப்பட்டது. அதோடு மட்டும் அல்லாமல் இந்த சீரியல் ஒளிபரப்பாகும் ஒரு வாரமும் துவக்கத்தில் 30 நொடிகள் அந்த காட்சயை ஒளிபரப்பியதற்கு சன்டிவி மன்னிப்பு கேட்க வேண்டும் என்றும் த பிராட்கேஸ்டிங் கன்டென்ட் கம்ப்ளய்ன்ட் கவுன்சில் உத்தரவிட்டுள்ளது.