ஒன்பது என்ற எண்ணை கேலி செயாதீர்கள், எத்தனை ஆன்மிக மகத்துவம் கொண்டது தெரியுமா?

எண்களில் விசேஷமான எண் 9. வடமொழியில் 9 என்ற எண்ணுக்கு நவம் என்று பெயர். அதற்கு புதிய புதுமை எனும் பொருள்.


அந்த எண்ணில் நீண்ட வாழ்வு எனும் அர்த்தம் பொதிந்திருப்பதாகச் சொல்கின்றனர், சீனர்களின் சொர்க்க கோபுரம், ஒன்பது வளையங்களால் சூழப்பட்டுள்ளது. எகிப்து, ஐரோப்பா, கிரீக் முதலான நாடுகளும் 9-ஆம் எண்ணை விசேஷமாகப் பயன்படுத்திப் போற்றுகின்றன. புத்த மதத்தில், மிக முக்கியமான சடங்குகள் யாவும் ஒன்பது துறவிகளைக் கொண்டே நடைபெறும்.தங்கம், வெள்ளி மற்றும் பிளாட்டினத்தின் சுத்தத்தை 999 என்று மதிப்பிடுவார்கள். பெண்களின் கர்ப்பம், பூரணமாவது ஒன்பதாம் மாத நிறைவில்தான்.

நவவிரதங்கள் - சோமவார விரதம், திருவாதிரை விரதம், உமாகேச்வர விரதம், சிவராத்ரி விரதம், பிரதோஷ விரதம், கேதார விரதம், ரிஷப விரதம், கல்யாணசுந்தர விரதம், சூல விரதம்.,

நவ நிதிகள் – சங்கம், பதுமம், மகாபதுமம், மகரம், கச்சபம், முகுந்தம், குந்தம், நீலம், வரம்.

நவவீரர்கள் – வீரவாகுதேவர், வீரகேசரி வீரமகேந்திரன், வீரமகேஸ்வரன், வீர ராட்சசன், வீரமார்த்தாண்டன், வீராந்தகன், வீரதீரன்.

நவ அபிஷேகங்கள் – மஞ்சள், பஞ்சாமிர்தம், பால், தயிர், நெய், தேன், இளநீர், சந்தனம், விபூதி.

நவக்கிரக தலங்கள் - சூரியனார் கோவில், திங்களூர், வைத்தீஸ்வரன் கோவில், திருவெண்காடு, ஆலங்குடி, கஞ்சனூர், திருநள்ளாறு, திருநாகேஸ்வரம், கீழ்ப்பெரும்பள்ளம்.

நவபாஷாணம் – வீரம், பூரம், ரசம், ஜாதிலிங்கம், கண்டகம், கவுரி பாஷாணம், வெள்ளை பாஷாணம், ம்ருதர்சிங், சிலாஷத்.

மேலும், நவசக்திகள், நவ தீர்த்தங்கள், நவரசங்கள், நவகிரகங்கள், நவமணிகள், நவ திரவியங்கள், நவ தானியங்கள், என அனைத்தும் 9 எண்ணாகத்தான் உள்ளது.

18 புராணங்கள், 18 படிகள் என அனைத்தும்9-ன் மூலமாக தான் உள்ளன. காயத்ரி மந்திரத்தை 108 முறை ஜபிக்க வேண்டும். எல்லா தெய்வத்தின் நாமாவளியும் ஜப மாலையின் எண்ணிக்கையும் இதை அடிப்படையாகக் கொண்டதுதான்!

9 என்ற எண்ணை கேலிக்கையாக எண்ணாமல் புராணங்களிலும், நடைமுறையிலும் சிறப்பிடம் பெற்றுள்ளது என்பதை போற்றுவோம்.