பெட்ரோல் பங்க் பெண்கள் கழிவறையில் ரகசிய கேமரா! உள்ளே சென்ற இளம் பெண்களுக்கு ஏற்பட்ட விபரீதம்! புதுக்கோட்டை பரபரப்பு!

பெட்ரோல் பங்க் கழிவறையில் கேமரா மூலம் ஆபாச படமெடுத்த வாலிபர் கைது செய்யப்பட்டிருப்பது தஞ்சையில் பரபரப்பை ஏற்படுத்தியுள்ளது.


தஞ்சை மாவட்டத்தில் ஆவணம் பெரியநாயகிபுரம் எனும் இடம் அமைந்துள்ளது. இப்பகுதியை சேர்ந்தவர் பிரபாகரன். இவருடைய வயது 22. புதுக்கோட்டை மாவட்டத்தில் உள்ள கைகாட்டி எனும் இடத்தில் உள்ள பெட்ரோல் பங்கில் பெட்ரோல் விற்பனையாளராக பணியாற்றி வருகிறார். அந்த பெட்ரோல் பங்கில் பெண்கள் சிலரும் பணியாற்றி வருகின்றனர். 

இதனிடையே கடந்த சில வாரங்களாகவே பிரபாகரனின் நடவடிக்கைகளில் சக ஊழியர்கள் சந்தேகம் கொண்டனர். மேலும் அவருடைய செல்போனில் உடன் பணியாற்றும் பெண்களின் ஆபாச படங்கள் இருப்பதாக தகவல்கள் கசிந்தன.

இதுகுறித்து பெட்ரோல் பங்க் நிர்வாகத்தினர் பிரபாகரனிடம் விசாரணை நடத்தியபோது அவருடைய செல்போனில் அனைத்து பெண் ஊழியர்களின் ஆபாச புகைப்படங்களும் இருந்துள்ளன. இதனால் ஊழியர்கள் அவரை வேலையை விட்டு நிறுத்தினர்.

பாதிக்கப்பட்ட பெண்களின் பெற்றோர் வடகாடு காவல் நிலையத்தில் புகாரளித்தனர். புகாரை பெற்றுக்கொண்ட காவல் துறையினர் பிரபாகரனிடம் விசாரணை நடத்தினர். அப்போது பிரபாகரன், கழிவறையில் கேமராவை மறைத்து வைத்து ஊழியர்களின் ஆபாச புகைப்படங்களை எடுத்ததாக கூறியுள்ளார். 

வாக்குமூலத்தை பதிவு செய்த காவல்துறையினர் பிரபாகரனை கைது செய்து சிறையில் அடைத்தனர். மேலும் இந்த புகைப்படங்களை வேறு யாருக்காவது அனுப்பினாரா? இல்லை இதை வைத்து பெண்களை மிரட்டினாரா? என்ற கோணத்தில் காவல்துறையினர் விசாரித்து வருகின்றனர். இந்த சம்பவமானது புதுக்கோட்டையில் பரபரப்பை ஏற்படுத்தியது.