சன் ரைசர்ஸ் ஹைதராபாத் மற்றும் கிங்ஸ் XI பஞ்சாப் அணிகளுக்கு இடையேயான ipl போட்டியில் கிங்ஸ் XI பஞ்சாப் அணி 6 விக்கெட்கள் வித்தியாசத்தில் வெற்றி பெற்றது.

டாஸ் வென்ற கிங்ஸ் XI பஞ்சாப் அணி  சன் ரைசர்ஸ் அணியை பேட்டிங் செய்ய பணித்தது. தொடக்க ஆட்டக்காரராக களம் இறங்கிய பரிஸ்டோவ் 1 ரன்னுக்கு ஆட்டமிழந்து ஏமாற்றம் அளித்தார்.பின்னர் களமிறங்கிய விஜய் ஷங்கர் டேவிட் வார்னருடன் இனைந்து ரன்களை சேர்த்தார். 

எனினும் இந்த ஜோடி ஒரு நாள்  போட்டியை போல ஆடி, அதிரடியாக ரன்களை குவிக்க தவறினர்.விஜய் ஷங்கர் 26 ரன்களுக்கு அவுட் ஆனார். சிறப்பாக விளையாடிய டேவிட் வார்னர் அவுட் ஆகாமல் 70 ரன்களை குவித்து அணியின் ஸ்கோரை உயர்த்தினார்.இதனால் சன் ரைசர்ஸ் அணி 20 ஓவர்களில் முடிவில் 4 விக்கெட் இழப்பிற்கு 150 ரன்களை எடுத்தது.

பின்னர் களமிறங்கிய கிங்ஸ் XI பஞ்சாப் அணியின் தொடக்க ஆட்டக்காரர் கிறிஸ் கெயில் 16 ரன்களுக்கு வெளியேறினார்.எனினும் மாயங் அகர்வால் லோகேஷ் ராகுலுடன் இனைந்து எதிரணியின் பந்து வீச்சை  விளாசினர். இந்த ஜோடி அந்த அணியை வெற்றி பாதைக்கு கொண்டு சென்றது. சிறப்பாக விளையாடிய மாயங் அகர்வால் 55 ரன்களை எடுத்து ஆட்டமிழந்தார்.

லோகேஷ் ராகுல் அபாரமாக விளையாடி 71 ரன்களை குவித்து அந்த அணியின் வெற்றிக்கு வழிவகுத்தார். இதனால் கிங்ஸ் XI பஞ்சாப் அணி 6 விக்கெட்கள் வித்தியாசத்தில் வெற்றி பெற்றது.