நடிகர் சூர்யா தற்போது சூரரை போற்று திரைப்படத்தில் நடித்துக் கொண்டிருக்கிறார் .

இந்த திரைப்படத்தின் பர்ஸ்ட் லுக் ஆனது ஏப்ரல் 13ம் தேதி வெளியிடப்பட்டது. இந்த திரைப்படத்தை சுதா கொங்கரா  இயக்குகிறார். இவர் இதற்கு முன்னர் மாதவன் மற்றும்  ரித்திகா சிங் நடித்த  வெற்றிப் படமான இறுதிசுற்று படத்தை இயக்கியவர் ஆவார் . 

சூர்யா நடிக்கும் சூரரைப் போற்று திரைப்படத்தில் நடிகர் அர்ஜுனனின் இரட்டை குழந்தைகள் இலன் மற்றும் இயல்  நடிக்க உள்ளதாக தகவல்கள் வெளியாகியுள்ளது . நடிகர்  அர்ஜுனன் இதற்கு முன்பாக டிக் டிக் டிக் மற்றும் காதலில் சொதப்புவது எப்படி போன்ற வெற்றி படங்களில் காமெடியனாக நடித்தவர் ஆவார் . 

கடைசியாக வெளிவந்த சூர்யாவின் என் ஜி கே திரைப்படம் எதிர்பார்த்த வெற்றியை பெறவில்லை. இந்நிலையில் கேவி ஆனந்த் இயக்கத்தில் நடிகர் சூர்யா நடிப்பில் காப்பான் திரைப்படம் வருகிற ஆகஸ்ட் மாதம் 30ம் தேதி வெளியாக உள்ளது . காப்பான் படத்திற்குப் பிறகு நடிகர் சூர்யா,  வெற்றிப்பட இயக்குனரான சுதா கொங்கரா வுடன்  இணைந்துள்ளதால்   சூர்யாவின் ரசிகர்கள் மகிழ்ச்சி அடைந்துள்ளனர் என்பது குறிப்பிடத்தக்கது.