சிப்ஸ் பாக்கெட்டுக்கு ஆசைப்பட்ட சிறுமி! அழைத்துச் சென்று பாலியல் வல்லுறவு செய்த கொடூரன்!

சிப்ஸ் பாக்கெட்டுக்கு ஆசைப்பட்ட 6 வயது சிறுமி பலாத்காரம் செய்யப்பட்ட சம்பவம் அதிர்ச்சியை ஏற்படுத்தியுள்ளது.


மும்பை அந்தேரியில் இந்த சம்பவம் நிகழ்ந்துள்ளது. அந்தேரி கிழக்கில், சேரிப்பகுதி உள்ளது. இந்த பகுதியை சேர்ந்த 6 வயது சிறுமி ஒருவர், செவ்வாய்க்கிழமை இரவு 8.30 மணியளவில் தன்வீட்டின் வெளியே விளையாடிக் கொண்டிருந்துள்ளார்.

அப்போது, அவ்வழியே வந்த ஒரு மர்ம நபர் அந்த சிறுமிக்கு, சிப்ஸ் பாக்கெட் வாங்கித் தருவதாகக் கூறி ஆசை காட்டியுள்ளான்.இதனை நம்பி, சிறுமியும் அவன் கூட தனியே சென்றிருக்கிறாள். ஆனால், குடியிருப்பு பகுதியில் இருந்து சிறுமியை தனிமைப்படுத்திய அந்த நபர், பின்னர் அவளை பாலியல் பலாத்காரம் செய்துவிட்டு, தப்பியோடிவிட்டான்.

இதன்பேரில், சிறுமி கூச்சலிட்டபோது, பொதுமக்கள் விரைந்து வந்தனர். இதையடுத்து, போலீசில் புகார் தெரிவிக்கப்பட்டது. அவர்கள் அங்கிருந்த சிசிடிவி கேமிரா காட்சிகளின் அடிப்படையில், குற்றவாளியை தேடி வருகின்றனர்.