ராஜஸ்தான் மாநிலம் சிகார் மாவட்டத்தில் ஆறு நண்பர்கள் சேர்ந்து இருவரை கொடூரமாக தாக்கி அவர்களிடமிருந்து பணம் மற்றும் பொருட்களை பறித்துக் கொண்டு, அடித்து காரினுள் இழுத்துச் சென்று ஆணுறுப்பை தீ வைத்து எரித்த சம்பவம் பெரும் பரபரப்பை கிளப்பியுள்ளது.

பாதிக்கப்பட்ட அவினாஷ் மற்றும் கர்மவீர் எனும் இருவரும் மருத்துவமனையில் அனுமதிக்கப்பட்டு சிகிச்சை பெற்று வருகின்றனர். அவர்கள் அளித்த வாக்குமூலத்தில், குற்றவாளிகளில் ஒருவர் சந்திப் நெஹ்ரா என்பது உறுதியாகியுள்ளது. மீதமுள்ள 5 நபர்களை தனிப்படை அமைத்து தீவிரமாக தேடி வருவதாகவும் போலீசார் கூறினர். 

குற்றவாளிகள் மீது FIR பதிவு செய்த போலீசார், கொள்ளை, வழிப்பறி, கொலை முயற்சி என கிட்டத்தட்ட 6 பிரிவுகளின் கீழ் வழக்கு பதிவு செய்துள்ளனர். குற்றவாளிகளில் ஒருவன் அங்கு நடந்த சம்பவத்தினை காணொளி மூலம் பதிவு செய்து சமூகவலைதளங்களில் வெளியிட்டுள்ளான். இதனையும் போலீசார் முடக்கியுள்ளனர்.