தொடரும் அவலம்! மனநலம் தவறிய சிறுமி கூட்டு பாலியல் வல்லுறவு!

ஐதராபாத்: மனநலம் தவறிய, 14 வயது சிறுமியை கூட்டு பாலியல் பலாத்காரம் செய்த 2 பேரை போலீசார் கைது செய்தனர்.


தெலுங்கானாவில் உள்ள பத்ராத்ரி கோத்தகுடேம் மாவட்டத்தில் உள்ள மணகுரு பகுதியில்தான் இச்சம்பவம் நிகழ்ந்துள்ளது. அங்கு, 14 வயது சிறுமி ஒருவர், மனநலம் பாதிக்கப்பட்டவர் ஆவார். அவரை, 3 இளைஞர்கள், குறிவைத்து, கடத்திச் சென்றுள்ளனர். ஒதுக்குப் புறமாக அந்த பெண்ணை கொண்டு சென்று, பலாத்காரம் செய்துள்ளனர். பின்னர், சாலையோரம் உள்ள புதர் மறைவில் தள்ளிவிட்டு தப்பியோடியுள்ளனர்.

சம்பந்தப்பட்ட சிறுமியின் பெற்றோர் அவளை காணாமல் அதிர்ச்சியடைந்தனர். இதுபற்றி போலீசில் புகார் அளித்தனர். இதன்பேரில், போலீசார் தீவிர தேடுதல் நடத்தினர். அப்போது, சிறுமியை பலாத்காரம் செய்துவிட்டு தப்பியோடிய 3 பேரில், 2 பேர் சிக்கினர். அவர்களை போக்சோ சட்டத்தின்கீழ் கைது செய்தனர்.

அவர்கள் அளித்த தகவலின்பேரில், ஊருக்கு ஒதுக்குப் புறமாக புதர் மறைவில் கிடந்த சிறுமியை மீட்டு, மருத்துவமனையில் போலீசார் சேர்த்தனர்.