மத்தியப் பிரதேச மாநிலம் போபாலில் 13 வயதுச் சிறுமியை மிரட்டி மீண்டும் மீண்டும் பாலியல் பலாத்காரம் செய்து கருவுறச் செய்த 45 வயது நபர் மீண்டும் அந்த சிறுமியை பலாத்காரம் செய்து அதிர வைத்துள்ளான்.

சிறுமியின் வீட்டுக்கு பக்கத்து வீட்டைச் சேர்ந்தவன் ஷிவ்ராஜ யாதவ். வியாபாரியான இவன் கடந்த ஆண்டு டிசம்பரில் முதன் முறையாக சிறுமியை பாலியல் பலாத்காரம் செய்ததாகக் கூறப்படுகிறது. அதனைத் தொடர்ந்து யாருக்கும் சொல்லக்கூடாது என அவன் மிரட்டி வைத்ததால் அஞ்சிய அந்தச் சிறுமி தனக்கு நேர்ந்ததை எவருக்கும் சொல்லவில்லை.  

அதன் பிறகு பலமுறை அவலத்துக்குரிய அந்தச் சிறுமியை அச்சுறுத்தி பாலியல் பலாத்காரம் செய்ததாகக் கூறப்படுகிறது. இதனால் அந்தச் சிறுமி கருவுற்ற நிலையில் கருவுற்றுள்ளார். ஆனால் அதனையும் பொருட்படுத்தாமல் அந்த சிறுமியை மீண்டும் மீண்டும் அந்த ஷிவ்ராஜ் பலாத்காரம் செய்துள்ளான்.

கருவுற்றதற்கான அடையாளங்கள் வெளியே தெரியத் தொடங்கிய போது, சிறுமியின் குடும்பத்தினர் பதறிப் போய் விசாரித்தனர். அப்போதுதான் தனக்கு நேர்ந்ததை அந்தச் சிறுமி அழுகையுடன் அவர்களிடம் தெரிவித்தார். 

இது தொடர்பாக குடும்பத்தினர் அளித்த புகாரின் பேரில் விசாரணை மேற்கொண்ட போலீசார் காமுகன் ஷிவ்ராஜ் யாதவ் மீது போக்சோ, பாலியல் பலாத்காரம். அச்சுறுத்தல் உள்ளிட்ட பிரிவுகளில் வழக்கு பதிவு செய்து கைது செய்தனர்.